У гэтыя студзенскія дні ў Беларусі святкуюцца Каляды – старадаўняе свята, якое азначае канец доўгага піліпаўскага паста, калі людзі могуць весяліцца і частавацца, а самае галоўнае быць добрымі і шчодрымі.
У Лельчыцкім дзіцячым садку 5 таксама адзначылі Каляду, амаль самае вясёлае свята ў гаду. Калядны гурт наведаў усе групы. У выхаванцаў была магчымасць максімальна пазнаць і паглыбіць свае веды аб правядзенні і святкаванні калядных свят у быту беларускіх сялян. Парадавалі і павесялілі ўсіх Каза, Мядзведзь, Цынанка з цыганятамі, Звяздар, Механоша, музыкі. Калядоўшчыкі жадалі ўсім багатага ўраджаю, дабрабыту, здароўя.
На нова лета радзі, Божа, жыта,
Шчодры вечар, багаты вечар!
Жыта, пшаніцу, усякую пашніцу.
Добры вечар, багаты вечар!
