Славуты цар-дуб
Ці магчыма пабываць ў Лельчыцкім раёне і не наведаць славуты цар-дуб! Гэта 320-гадовы лясны волат вышынёй 32 метры (вяршыня зламана ў 1912 годзе), акружнасць яго — 4,5 метра. Магутнае дрэва могуць абхапіць не менш трох чалавек. Дрэва—старажыл знаходзіцца непадалёку ад вёскі Данілевічы і з‘яўляецца помнікам прыроды рэспубліканскага значэння. Многія прыязджаюць паглядзець на велічнае дрэва, дакрануцца да яго, каб набрацца сілы і здароўя. Бо лічыцца, што дуб валодае моцнай энергетыкай, ён — сімвал вялікай жыццёвай сілы і даўгалецця. Дуб супакойвае, здымае стрэс. Але падыходзіць да яго патрэбна толькі з добрымі думкамі, без негатыву.
А побач з цар—дубам расце князь—дуб. Такі падвоены экалагічны цуд у Беларусі ёсць толькі ў Лельчыцкім раёне.
